ग्रीनलाइफ हाइड्रोपावरको ३४ लाख ९६ हजार ४०० कित्ता आइपीओ बाँडफाँट, २ भाग्यमानी आवेदकले पाए ११ कित्ता सेयर

  • अर्थ सरोकार सम्बाददाता
काठमााडौं । ग्रीनलाइफ हाइड्रोपावरको आइपीओ शुक्रबार बाँडफाँट भएको छ । बिक्री प्रबन्धक बीओके क्यापिटलले कम्पनीको आईपीओ आज शुक्रबार बिहान ९ बजे आफ्नै कार्यालयमा बाँडफाँट भएको हो । जसमा गोलाप्रथामार्फत ३ लाख २५ हजार १६५ जना सर्वसाधारण लगानीकर्ताले १० कित्ताका दरले सेयर पाएका छन् भने बाँकी रहेको २ कित्ता सेयर २० वा सोभन्दा बढी कित्ताका लागि आवेदन दिनेमध्ये २ जनालाई १–१ कित्ताका दरले थप गरिएको छ । जसअनुसार २ जनाले ११ कित्ताका दरले सेयर पाएका छन् ।

कुल १३ लाख २२ हजार ९७१ जनाले आवेदन दिएकोमा ३ हजार ९१२ जनाको आवेदन रद्द भएको छ । १३ लाख १९ हजार ५९ जना योग्य आवेदक गोलाप्रथामा सहभागी भएका थिए । यसमा १३ लाख २६ हजार ७७ जनाले २ करोड ३७ लाख ३० हजार १८० कित्ताका लागि आवेदन दिएका थिए । ग्रीनलाइफले माघ २३ गतेदेखि २७ गतेसम्म प्रतिकित्ता १०० रुपैयाँ दरमा कुल ३४ लाख ९६ हजार ४०० कित्ता आइपीओ बिक्री खुला गरेको थियो ।
प्रकाशित मिति : Friday, February 19, 2021
https://www.arthasarokar.com/2021/03/NIC-ASIA-Bank-4.html

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal