बुटवल पावर कम्पनीले एफपिओ जारी गर्ने, धितोपत्र बोर्डसँग माग्यो अनुमति
Powered by Blogger.
बुटवल पावर कम्पनीले एफपिओ जारी गर्ने, धितोपत्र बोर्डसँग माग्यो अनुमति

बुटवल पावर कम्पनी लिमिटेडले थप नयाँ सेयर (एफपिओ) निष्काशन गर्ने भएको छ । एफपिओ निष्काशनको अनुमति माग गर्दै कम्पनीले नेपाल धितोपत्र बोर्डमा अनुमति दिएको छ । कम्पनीले बोर्डमा आइतबार (चैत १३ गते) निवेदन दिएको हो । 

कम्पनीले दुई लाख चार हजार कित्ता एफपिओ निष्काशन गर्नका लागि बोर्डसँग अनुमति माग गरेको हो । कम्पनीले एक सय रुपैंया अंकित मूल्यमा तीन सय ७० रुपैंया प्रिमियम थप गरी कम्पनीले चार सय ७० रुपैयाँमा एफपिओ निष्काशन गर्नेछ । कम्पनीले प्रस्तावित मूल्य प्रक्षेपित मात्र भएको भन्दै २० प्रतिशतले मूल्य विचलन भएमा सो को कारण समेत सार्वजनिक गर्ने बताएको छ ।

कम्पनीको गत आसार २७ गते सम्पन्न साधारणसभाले एफपिओ निष्काशन गर्ने निर्णय गरेको थियो । कम्पनीले सेयर निष्काशत तथा बिक्री प्रबन्धकको जिम्मा एनएमबी क्यापिटल लिमिटेड तथा लक्ष्मी क्यापिटल लिमिटेडलाई दिएको छ । 

एफपिओ निष्काशन गरेर संकलन भएको रकम कम्पनीले निर्माणाधीन आयोजनामा लगानी गर्ने जानकारी दिएको छ । कम्पनीले ३० मेगवाटको न्यादी जलविद्युत आयोजना र ३७ दशमलव छ मेगावाटको काबेली ए जलविद्युत आयोजना निर्माण सुरु गरेको छ ।

प्रकाशित मिति : Tuesday, March 28, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...