गरिमा विकास बैंकको हकप्रदमा मूल्य समायोजन ?
Powered by Blogger.
गरिमा विकास बैंकको हकप्रदमा मूल्य समायोजन ?

  • अर्थ सरोकार सम्बाददाता 

काठमाडौं - नेपाल स्टक एक्सचेन्ज लिमिटेडले गरिमा विकास बैंकको ७०% हकप्रदमा मूल्य समायोजन गरेर ३३५ रुपैयाँ भाउ तोकेको छ । यस आधारमा हकप्रद समायोजनपछि बुधबार गरिमाको सेयर कारोबार प्रतिकित्ता ३३५ रुपैयाँमा खुलेको हो । गरिमाको औसत आधार मूल्य भने ३१८ रुपैयाँ छ । गरिमाले बैशाख १४ देखि जेठ १७ गतेसम्म ९० लाख ७६ हजार २९६.६६ कित्ता हकप्रद सेयर बिक्री खुला गर्दैछ ।

गरिमाको हकप्रदमा एस क्यापिटल लिमिटेडले बिक्री प्रबन्धकको काम गर्दैछ । चालु आर्थिक वर्षको दोस्रो त्रैमासमा गरिमाको चुक्ता पुँजी एक अर्ब आठ करोड पाँच लाख ११ हजार ५१० रुपैयाँ छ । गरिमाले १५ करोड ९५ लाख ४७ हजार ९१० रुपैयाँ खुद नाफा कमाएको छ । बैंकको प्रतिसेयर आम्दानी २९ रुपैयाँ ५३ पैसा छ भने प्रतिसेयर नेटवर्थ १५७ रुपैयाँ २८ पैसा छ ।

प्रकाशित मिति : Wednesday, April 12, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...