काष्ठमण्डप डेभलपमेन्ट बैंकको सेयर लिलामी किन्ने आज अन्तिम दिन


  • अर्थ सरोकार सम्बाददाता 

काठमाडौं - काष्ठमण्डपको सर्वसाधारण समूहको एक लाख सात हजार ६०१.२० कित्ता सेयर लिलामीमा किन्ने सोमबार अन्तिम दिन हो । लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउमा आवेदन दिनुपर्नेछ । काष्ठमण्डपले यसअघि हकप्रद निष्कासन गर्दा बिक्री नभएको सेयर लिलामी गरेको हो । बैंकले कात्तिक २६ देखि मंसिर ३० गतेसम्म १६ लाख ९९ हजार ७४१.७० कित्ता हकप्रद सेयरको बिक्री खुला गरेको थियो ।

आवेदकले बिक्री प्रबन्धक एनसिएम मर्चेन्ट बैंकिङ कमलपोखरीमा पुग्ने गरी आवेदन दिनुपर्नेछ । बोलपत्र चैत ३० गते एनसिएम मर्चेन्ट बैंकिङको कार्यालयमा खोलिनेछ । चालु आर्थिक वर्षको दोस्रो त्रैमासमा काष्ठमण्डपले १० करोड १७ लाख २९ हजार रुपैयाँ खुद नाफा कमाएको छ भने यसको चुक्ता पुँजी ६७ करोड ९८ लाख ९७ हजार रुपैयाँ छ । काष्ठमण्डपको प्रतिसेयर आम्दानी २९ रुपैयाँ ९२ पैसा र प्रतिसेयर नेटवर्थ १२४ रुपैयाँ ३७ पैसा छ ।

प्रकाशित : Monday, April 10, 2017

recent

Popular Posts