एनबी इन्सुरेन्सको खुद नाफा १८१ प्रतिशतले वृद्धि
Powered by Blogger.
एनबी इन्सुरेन्सको खुद नाफा १८१ प्रतिशतले वृद्धि

  • अर्थ सरोकार सम्बाददाता 

काठमाडौं - चालु आर्थिक वर्षको तेस्रो त्रैमासमा एनबी इन्सुरेन्सले १८१.४८ प्रतिशतले खुद नाफा वृद्धि गरेको छ । यो त्रैमाससम्ममा एनबीको खुद नाफा ६ करोड २० लाख ७४ हजार रुपैयाँ पुगेको छ । गत वर्ष यो नाफा २ करोड २० लाख ५२ हजार रुपैयाँ मात्र थियो ।  एनबीको चुक्ता पुँजी २७ करोड रुपैयाँ छ । पुँजी वृद्धिका लागि एनबीले १०० प्रतिशत हकप्रद जारी गर्न धितोपत्र बोर्डबाट अनुमति पाइसकेको छ । हकप्रद निष्कासनपछि कम्पनीको चुक्ता पुँजी ५४ करोड रुपैयाँ पुग्नेछ । इन्सुरेन्सले जगेडा कोषमा पनि ५३.९६ प्रतिशतले वृद्धि गरेर ९ करोड ३५ लाख ४० हजार रुपैयाँ जम्मा गरेको छ । गत वर्ष कम्पनीको जगेडा कोषमा ६ करोड ७ लाख ५६ हजार रुपैयाँ थियो । 

गत वर्षको तुलनामा यो त्रैमासमा कम्पनीको बिमा कोषको आकार पनि ७३.५० प्रतिशतले बढेर ८ करोड २९ लाख ५३ हजार रुपैयाँ पुगेको छ । गत वर्ष बिमा कोषमा ४ करोड ७८ लाख ११ हजार रुपैयाँ थियो । एनबीले तेस्रो त्रैमाससम्ममा ४९ करोड ५६ लाख  ८२ हजार रुपैयाँ कुल बिमा शुल्क आर्जन गरेको छ । यो गत वर्षको यसै अवधिको तुलनामा १३७.६७ प्रतिशतले बढेको हो । गत वर्ष कम्पनीले २० करोड ८५ लाख ५५ हजार रुपैयाँ कुल बिमा शुल्क आर्जन गरेको थियो । एनबीको प्रतिसेयर आम्दानी (वार्षिक) ३० रुपैयाँ ६५ पैसा छ भने प्रतिसेयर नेटवर्थ ११८ रुपैयाँ १० पैसा छ । 


Published Date : Monday, May 8, 2017

हामीलाई फलो गर्नुहोस् :

प्रतिकृया दिनुहोस्

,

Loading...