आफ्नो मान्छे उम्मेदवार बनाउन नपाएको झोंकमा कांग्रेस सभापति ‘माइन्युट’ बोकेर गायब
Powered by Blogger.
आफ्नो मान्छे उम्मेदवार बनाउन नपाएको झोंकमा कांग्रेस सभापति ‘माइन्युट’ बोकेर गायब

  • अर्थ सरोकार सम्बाददाता 
नेपालगन्ज– आफ्नो मान्छे उम्मेदवार बनाउन नपाएपछि कांग्रेसका क्षेत्रीय सभापति छ दिनदेखि माइन्यूट नै बोकेर सम्पर्कबिहीन भएका छन् । नेपाली कांग्रेस बाँके निर्वाचन क्षेत्र नं. १ मा क्षेत्रीय कमिटीको बैठकको माइन्युट नै लिएर क्षेत्रीय सभापति माधवराम खत्री ढकाल सम्पर्कबिहीन भएका हुन् । उम्मेवादको विषयमा किचलो भएपछि माइन्युट फोटोकपी गर्न जान्छु भनेर बाहिरिएका उनी एकाएक बेपत्ता भएका हुन् । उनी पार्टी सभापति देउवा निकटका हुन् ।

नेपाली कांग्रेस बाँके निर्वाचन क्षेत्र नंं १ का क्षेत्रीय सचिव डिल्ली गिरीले पार्टीको जिल्ला कार्यसमितिलाई लेखेको पत्रमा कोहलपुर नगरपालिका र राप्ती सोनारी गाउपालिकाको विभिन्न वडाहरुमा उम्मेदवार बनाउनको लागि वडा तहको सिफारिस नै नआएका व्यक्तिको नाम एकलौटी तरिकाले सिफारिस गर्न थालेपछि एक घण्टाको लागि बैठक स्थगित गरी निस्केको क्षेत्रीय सभापति खत्रीले नाम सिफारिस गरी आफू सम्पर्कबिहीन भएको पत्रमा उल्लेख गरिएको छ ।

प्रकाशित मिति : Thursday, May 25, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...