- अर्थ सरोकार सम्बाददाता
काठमाडौँ – कुलमानको विरोध गरेर निकै नै विवादमा तानिएको कानितपुर यसअघि पुन : नयाँ शक्तिको लोगोमा सेनाको तस्विर छापेर विवादित भएको थियो । यसैगरी कान्तिपुर पुन: विवादित बनेको छ । कान्तिपुरले जेठ ४ गतेको प्रथम पृष्ठमा प्रधानमन्त्री प्रचण्डले ८ गते राजीनामा दिने भन्ने समाचार प्राथमिकताका साथ प्रकाशन गरेपनि ८ गते प्रचण्डले राजीनामा नदिएपछि कान्तिपुरले पुन: हावा खाएको हो।
यसबारे हामीले बुझ्दा माओवादी केन्द्रका अध्यक्ष प्रचण्डले प्रधानमन्त्री पदबाट जेठ ९ गते राजिनामा दिने पार्टीले निर्णय नै गरेको केन्द्रीय कार्यालय सदस्य मणि थापाले जानकारी गराए । उनले कान्तिपुरले केका आधारमा ८ गते प्रचण्डको राजीनामा आउँछ भनेर लेखेको हो, आफुलाई थाहा नभएको स्पष्ट पारे ।
कुलमानको विरोधपछि सामाजिक संजालमा अत्याधिक विरोधको सामना गर्नुपरेको कान्तिपुरले केहि दिनअघि नयाँ शक्तिको लोगोमा सेनाको तस्विर छापेपछी सार्वजनिक रुपमै माफी मागेको थियो ।
