कुलमानलाई अनियमितताको आरोप लागेपछि, प्राधिकरणका भ्रष्टहरुले लोडसेडीङ गराउन थाले

  • अर्थ सरोकार सम्बाददाता 
बीरगन्ज - नेपाल विद्युत प्राधिकरणका प्रबन्ध निर्देशक कुलमान घिसीङलाई अनियमितताको आरोप लागेपछि नेपाल विद्युत प्राधिकरणका भ्रष्टहरु सक्रिय भएका छन् । उनीहरु देशभर लोडसेडीङ गरेर इन्भर्टर व्यवसायीबाट कमिसन खान पल्किएको स्रोतको दावी छ । यसैबीच कुलमानलाई अनियमितताको आरोप लागेको दिनदेखिनै नेपालभर विभिन्न शहरमा प्राधिकरणकै भ्रष्टहरुको मिलेमतोमा लोडसेडीङ सुरु भएको छ । 

वीरगन्जका भ्रष्टहरु बढी सक्रिय !
कुलमानलाई अनियमितताको आरोप लागेपछि वीरगन्ज आसपासमा पुनः लोडसेडिङ बढ्न थालेको छ। विद्युत प्राधिकरणका भ्रष्टहरुको चलखेलमा औद्योगिक फिडरमा दैनिक ८/१० घण्टा र ग्रामीण फिडरमा ४ घण्टा लोडसेडिङ हुन थालेको छ ।एक महिना अघिसम्म ग्रामीण भेगमा लोडसेडिङ हटेको थियो।औद्योगिक क्षेत्रमा हुने दैनिक १३ घन्टे लोडसेडिङ ४ घण्टामा झरेको थियो । तर कुलमान विवादमा तानिएपछी भ्रष्टहरुको चलखेलमा लोडसेडीङ बढेको जनताको गुनासो छ । 

के भन्छ प्राधिकरणको वीरगन्ज साखा ?
यता नेपाल विद्युत प्राधिकरण वितरण केन्द्र वीरगन्ज शाखाले भने आफ्नै तर्क दिएको छ । साखाका प्रमुख चुटुनकुमार श्रीवास्तले गर्मीमा विद्युत माग बढेकाले लोडसेडिङ् बढेको बताए । उनका अनुसार सुरक्षाकर्मी चुनाव केन्द्रीत हुड्ना विद्युत चुहावट नियन्त्रण अभियान पनि सक्रिय हुन नसकेको बताउंदै त्यहि कारण लोडसेडिङ बढेको बताए ।
प्रकाशित : Friday, May 12, 2017

recent

Popular Posts