सानिमाको ३०% हकप्रद भर्ने अन्तिम दिन आज , यी हुन् आवेदन दिने ठाउँ
Powered by Blogger.
सानिमाको ३०% हकप्रद भर्ने अन्तिम दिन आज , यी हुन् आवेदन दिने ठाउँ

  • अर्थ सरोकार सम्बाददाता 
काठमाडौँ - सानिमा बैंकको ३०% हकप्रद भर्ने आज (आइतवार) अन्तिम दिन हो ।  बैंकले वैशाख १७ गतेदेखि १०:३ को (१० कित्ता सेयर बराबर थप ३ कित्ता) अनुपातमा १ करोड ५९ लाख १७ हजार ६१७ कित्ता हकप्रद सेयर बिक्री खुला गरेको छ । यस आधारमा आज बैंकिङ समयसम्म मात्र यो हकप्रदमा आवेदन दिन सकिनेछ । हकप्रदको मूल्य प्रतिकित्ता १०० रुपैयाँ हो । सानिमाको यस हकप्रदमा बिक्री प्रबन्धक सिबिआईएल क्यापिटल लिमिटेड रहेको छ । राष्ट्र बैंकले तोकको चुक्ता पुँजी पुर्याउन बैंकले ३०% हकप्रद सेयर बिक्री खुला गरेको हो । हाल सानिमाको चुक्ता पुँजी ५ अर्ब ३० करोड ५८ लाख ७२ हजार रुपैयाँ रहेको छ । हकप्रद सेयर निष्कासन पछि सानिमाको चुक्ता पुँजी ६ अर्ब ८९ करोड ७६ लाख ३४ हजार रुपैयाँ पुग्नेछ । चालु आर्थिक वर्षको तेस्रो त्रैमासमा सानिमाले ९४ करोड ६९ लाख १७ खुद नाफा गरेको छ । प्रतिसेयर आम्दानी २३ रुपैयाँ ९५ पैसा रहेको बैंकको प्रतिसेयर नेटवर्थ १३२ रुपैयाँ ८१ पैसा छ । 

हकप्रद सेयरका लागि आवेदकहरुले सिबिआईएल क्यापिटल लिमिटेड बाटुलेघर डिल्लीबजार, काठमाडौंबाट आवेदन दिन सक्नेछन् । त्यसैगरी, सानिमा बैंकको केन्द्रीय कार्यालय अलकापुरी नक्साल, काठमाडौं र बैंकका अधिकांश शाखा कार्यालयहरु तथा सानिमा क्यापिटल लिमिटेड नक्साल, काठमाडौंबाट पनि आवेदन दिन सकिनेछ । संस्थापक सेयरधनीहरुको हकमा भने दरखास्त फारम सानिमाको केन्द्रीय कार्यालय र शाखा कार्यालय हरिवन सर्लाहीबाट मात्र बुझिलिने व्यवस्था गरिएको छ । दरखास्त फारम बुझाउने क्रममा संस्थापक सेयरधनीहरुले भने आफ्नो आयस्रोत सम्बन्धी सम्पुर्ण विवरण तथा कर चुक्ताको प्रमाणपत्र पनि बुझाउनुपर्नेछ । त्यस्तै हकप्रद सेयर हस्तान्तरण गर्ने सेयरधनीहरुको हकमा भने दरखास्त फारम बैंकको सेयर रजिष्ट्रार कार्यालय सानिमा क्यापिटल लिमिटेडबाट मात्र बुझिने व्यवस्था गरिएको छ ।  कम्पनीको यस हकप्रदमा चैत १७ गतेसम्म कायम रहेका सेयरधनीले मात्र आवेदन दिन सक्नेछन् । 

प्रकाशित मिति : Sunday, June 4, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...