नेपाल बंगलादेश बैंकको लिलामी सेयर ३६८ रुपैयाँसम्म आवेदन दिनेले पाए, अधिकतम ४१५ रुपैयाँसम्म पर्यो
Powered by Blogger.
नेपाल बंगलादेश बैंकको लिलामी सेयर ३६८ रुपैयाँसम्म आवेदन दिनेले पाए, अधिकतम ४१५ रुपैयाँसम्म पर्यो


काठमाडौं - नेपाल बंगलादेश बैंकको लिलामी सेयरमा न्यूततम ३६८ रुपैयाँ (कट अफ प्राइस) लगानी गर्नेले सेयर पाउने भएका छन् । यसमा अधिकतम ४१५ रुपैयाँ र न्यूनतम १०० रुपैयाँ भाउ तोकेर बोलपत्र परेको ग्लोबल आइएमई क्यापिटलले जनाएको छ । यो लिलामीमा ३ हजार ३२७ जनाले बोलपत्र पेस गरेका थिए । यसैगरी, संस्थापकतर्फ १५५ रुपैयाँसम्म भाउ राखेर आवेदन दिनेले सेयर पाएका छन् । संस्थापकतर्फ कुल ३ जनाले आवेदन दिएका थिए । जसमा ३ जनाले नै सेयर पाएको बिक्री प्रबन्धक ग्लोबल आइएमई क्यापिटलले जनाएको छ । 

बैंकले असार १४ देखि २१ गतेसम्मको अवधि दिएर संस्थापक समूहको १९ हजार ५११ कित्ता र सर्वसाधारण समूहको ९ लाख ६८ हजार ६०९.८० कित्ता सेयर लिलामीमा बिक्री खुला गरेको हो । दुवै समूहको बोलपत्र शुक्रबार खोलिएको हो । चालु आर्थिक वर्षको तेस्रो त्रैमाससम्मा बैंकको चुक्ता पुँजी ५ अर्ब ५१ करोड ४० लाख ७९ हजार रुपैयाँ छ । हकप्रद तथा लिलामी बिक्रीपछि भने बैंकको चुक्ता पुँजी ७ अर्ब २२ करोड ११ लाख ६५ हजार ५०० रुपैयाँ पुग्नेछ । तेस्रो त्रैमासमा बैंकले ८२ करोड ७६ लाख ६८ हजार रुपैयाँ खुद नाफा कमाएको छ । बैंकको प्रतिसेयर आम्दानी २८ रुपैयाँ (वार्षिक) र प्रतिसेयर नेटवर्थ १७१ रुपैयाँ छ ।

प्रकाशित मिति : Sunday, July 9, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

,

Loading...