प्राइम बैंकको खुद नाफा ३२.९०% ले १ अर्ब ४८ करोड माथि वृद्धि
Powered by Blogger.
प्राइम बैंकको खुद नाफा ३२.९०% ले १ अर्ब ४८ करोड माथि वृद्धि

  • अर्थ सरोकार सम्बाददाता 

काठमाडौं - आर्थिक वर्ष २०७३/७४ मा प्रइम बैंकले १ अर्ब ४८ करोड २८ लाख ५८ हजार रुपैयाँ खुद नाफा कमाएको छ । बैंकले अघिल्लो वर्षको तुलनामा ३२.९०% ले खुद नाफा वृद्धि गरेको हो । अघिल्लो आर्थिक वर्षको चौथो त्रैमाससम्ममा प्राइमले १ अर्ब ११ करोड ५७ लाख ५९ हजार रुपैयाँ मात्र खुद नाफा कमाएको थियो । प्राइमले खुद ब्याज आम्दानी पनि १९.८८% ले वृद्धि गरी १ अर्ब ९० करोड ४३ लाख ८२ हजार रुपैयाँ पुयाएको छ । बैंकको राइट ब्याक १८ करोड ५६ लाख ७७ हजार रुपैयाँ छ भने प्रभिजनमा २२ करोड २ लाख ८९ हजार रुपैयाँ राखेको छ । गत आर्थिक वर्षको चौथो त्रैमाससम्म बैंकको निक्षेप संकलन ३६.२५% ले बढेर ६५ अर्ब ८६ करोड ५२ लाख ५१ हजार रुपैयाँ पुगेको छ । प्राइमले ५७ अर्ब ७१ करोड १ लाख ८९ हजार रुपैयाँ कर्जा लगानी गरेको छ ।

प्राइमले खराब कर्जालाई कम गरी ०.७८% मा ल्याएको छ । अघिल्लो वर्ष खराब कर्जा १.२३% थियो । यता, कस्ट अफ फन्ड भने झन्डै दोब्बर बढेको छ । अघिल्लो वर्ष ४.३३% रहेको कस्ट अफ फन्ड यसपालि ८.१५% पुगेको छ । प्राइमले इक्विटीमा प्रतिफल भने धेरै घट्न दिएको छैन । अघिल्लो वर्ष २०.६५% रहेको इक्विटीमा प्रतिफल अहिले १९.९६% छ । प्राइमको चुक्ता पुँजी ३८.७९% ले बढेर ६ अर्ब ३२ करोड ५४ लाख ३२ हजार रुपैयाँ पुगेको छ । चक्ता पुँजी वृद्धि गर्न बैंकले विराटलक्ष्मी र कन्ट्री डेभलपमेन्ट बैंकलाई एक्वायर गरेको थियो । प्राइमले रिजर्भ कोष पनि भारी मात्रामा बढाएको छ । अघिल्लो वर्षको तुलनामा रिजर्भ कोष २६९.४१% ले बढेर ३ अर्ब १२ करोड ६० लाख १४ हजार रुपैयाँ पुगेको छ । रिजर्भ कोषमा अघिल्लो वर्ष भने ८४ करोड ६२ लाख २२ हजार रुपैयाँ मात्र थियो । बैंकको प्रतिसेयर आम्दानी २३ रुपैयाँ ४४ पैसा र प्रतिसेयर नेटवर्थ १४९ रुपैयाँ ४२ पैसा छ ।

प्रकाशित मिति : Friday, August 4, 2017

अर्थ सरोकार डटकमको लिखित अनुमति विना कुनै पनि समाचार स्रोत खुलाएरै भएपनि साभार गर्न पाइने छैन । अन्य जानकारीका लागि हाम्रो User Guidelines हेर्नुहोला ।

हामीलाई फलो गर्नुहोस् :

प्रतिकृया दिनुहोस्

, ,

Loading...