नेपाल आयो टाटाको टिगोर गाडी, साढे २३ लाखदेखि मूल्य सुरु, 'युथ फ्रेन्ड्ली' रहेको कम्पनीको विश्वास
Powered by Blogger.
नेपाल आयो टाटाको टिगोर गाडी, साढे २३ लाखदेखि मूल्य सुरु, 'युथ फ्रेन्ड्ली' रहेको कम्पनीको विश्वास

  • रिना थापा / अर्थ सरोकार डटकम 
काठमाडौँ - नेपाली अटो बजारमा आफ्नो छुट्टै पहिचान बनाउन सफल टाटा कम्पनीको पछिल्लो सेडान टिगोर कार नेपाल भित्रिएको छ । कम्पनीको अधिकृत विक्रेता सिप्रदी ट्रेडिङले उक्त कार नेपाल भित्र्याएको हो ।   बुधबार होटल सोल्टीमा आयोजित पत्रकार सम्मेलनका बीच कम्पनीले उक्त गाडी सार्वजनिक गरेको हो । कम्पनीका प्रतिनिधि र मिडियाकर्मीको बाक्लो उपस्थिति रहेको उक्त कार्यक्रममा सिप्रदीका निर्देशक सौर्य राणा र टाटा मोटर्सको इन्टरनेशनल बिजनेश हेड जोनी ओम्मेनले संयुक्त रुपमा नयाँ गाडी अनावरण गरेका छन् । यी कार खरिद गर्नेले चार बर्ष या ७५ हजार किलोमिटर यात्रा वारेन्टी पाउनेछन् ।


कम्पनीले दिएको जानकारी अनुसार टिगोर एक्सईको मूल्य  मूल्य २३ लाख ४५ हजार रुपैयाँ तोकिएको छ भने टिगोर एक्सटिलाई २६ लाख ७५ हजार, टिगोर एक्सजेडलाई २८ लाख ७५ हजार र टिगोरु एक्सजेड (ओ) लाई २९ लाख ९५ हजाररुपैयाँ तोकिएको छ । उक्त कार्यक्रममा आफ्नो मन्तव्य राख्दै टाटा मोटर्सको इन्टरनेशनल बिजनेश हेड ओम्मेनले युवा पुस्ता लक्षित आकर्षक कार निर्माण गरिएको बताएका छन् ।
 

यता  ट्रेडिङका प्रमुख कार्यकारी अधिकृत राजनबाबु श्रेष्ठले टिगोरले भारतमा लिएको बजार हिस्साबाट आफु उत्साहित रहेको बताएका छन् । ह्याचब्याक र सेडानबाट माथि उठेर टिगोरले नयाँ सेग्मेन्ट तयार गरेको र ‘स्टाइल ब्याक’ नामाकरण गरिएकोसमेत उनले कार्यर्कममा जानकारी दिए ।



Published Date : Thursday, August 10, 2017

हामीलाई फलो गर्नुहोस् :

प्रतिकृया दिनुहोस्

, , ,

Loading...