नेपाली कांग्रेसका स्थानीय नेता रविन्द्र शाहकाे विभत्स हत्या गरिएकाे छ । सदरमुकाम भेरीमालिका-३ घर भएका शाहकाे मंगलबार साँझपख जिल्ला अस्पताल नजिकै अज्ञात समूहले हत्या गरेकाे हाे । 

नेपाल विद्यार्थी संघका पूर्व केन्द्रीय सदस्य नेता शाह जाजरकाेटकाे चर्चित गैरसरकारी संस्था पाँचतारा युवा संरक्षक मञ्चका अध्यक्ष समेत रहेका थिए । मंगलबार साँझ करिब साढे ६ बजेकाे समयमा उनी अरु केही साथीहरुका साथमा इभिनिङ वाकमा निस्केका थिए । 

सदरमुकामकाे तल्लाे थाप्लेमा रहेकाे जिल्ला अस्पतालभन्दा केही तल कालेगाउँ जाने कच्ची धुलैधुलाे भएकाे सडकबाटाेमा हिड्दै गरेका शाहमाथि एकाएक बाटाे कुरेर बसेकाे अज्ञात समूहले ढुंगा प्रहार गरेकाे थियाे । सुरुमै हानेकाे ढुंगा उनकाे टाउकाेमा लागेकाे र उनी सडकमा ढलेकाे बताइएकाे छ । त्यसपछि घाइते अवस्थामा छटपटाइरहेका शाहलार्इ अाक्रमणकारीहरुले सडकबाट उठाएर भिरबाट खसालेर वेपत्ता भएकाे बताइएकाे छ । 

सँगै गएका साथीहरुले भागेर जाेगाए ज्यान

शाहमाथि अाक्रमण भएका बेला उनीसँगै गएका उनका साथीहरु किरण थापा र हिटलरसिंह राठाैर केही मिटरकाे दूरीमा पछाडि रहेकाे बुझिएकाे छ । पछाडि रहेका थापा र राठाैरले शाहमाथि अाक्रमण हुने बित्तिकै अाफूहरुले भागेर ज्यान जाेगाएकाे बताएका छन् । अाक्रमण भएपछि अाफूहरु भागेकाे र लगत्तै प्रहरीलार्इ फाेन सम्पर्क गर्दागर्दै ढिलाे भएकाे उनीहरुकाे भनाइ छ ।

उनीहरुले अाक्रमण भए लगत्तै प्रहरीकाे नम्बर डायल १०० मा सम्पर्क गरेकाे तर त्याे नम्बर रुकुम प्रहरीले उठाएकाे बताएका छन् । केहीबेरपछि अाएकाे प्रहरीले भिरबाट खसेका शाहलार्इ ल्याएर जिल्ला अस्पताल पुर्याएकाे थियाे । जिल्ला अस्पतालमा करिब दुर्इघन्टा राखेपछि उनलार्इ मृत घाेषणा गरिएकाे थियाे । 

लामाे समय राजधानी काठमाडाैंमा बसी अध्ययन सकेर जिल्ला फर्किएका ३७ वर्षीय शाह  गैरसरकारी संस्थाकाे काममा संलग्न थिए । उनकाे हत्या कसले किन गरेकाे हाे भन्ने केही खुल्न सकेकाे छैन । प्रहरीले घटनाकाे अनुसन्धान तथा हत्याराकाे खाेजी गरिरहेकाे जनाएकाे छ ।

सिडिअाे र प्रहरी प्रमुख दुबै जिल्ला बाहिर

घटना भएका बेला प्रमुख जिल्ला अधिकारी कृष्णचन्द्र पाैडेल र जिल्ला प्रहरी कार्यालयका प्रमुख प्रहरी नायव उपरिक्षक भावेष रिमाल जिल्ला बाहिर रहेका थिए । उनीहरु निर्वाचन सम्बन्धी क्षेत्रीय स्तरकाे दुर्इ दिने सुरक्षा गाेष्ठीमा सुर्खेत पुगेका थिए । घटना लगत्तै उनी मंगलबार राती नै जाजरकाेट फर्किएकाे बताइएकाे छ ।

शाहकाे हत्यापछि जाजरकाेट सदरमुकाममा सन्त्रास फैलिएकाे छ । साँझ परेपछि मानिसहरु हिड्डूल गर्न समेत डरकाे महशुस गरिरहेकाे बताउँछन । जाजरकाेटका सबै राजनीतिक दलका नेता, स्थानीय व्यापारी व्यवसायी तथा सर्वसाधारणले शाहकाे हत्याकाे तत्काल छानविन गर्न र हत्यारालार्इ पत्ता लगाइ कडा सजाय दिन प्रशासनसमक्ष माग गरेका छन् ।