प्रधानमन्त्रीपत्नी आरजु राणाले गृहमन्त्री शर्मा सहभागी बैठकमा नाइट क्लवको कुरा उठाएपछि ..

प्रधानमन्त्री शेर बहादुर देउवा पत्नी आरजु राणाले राज्य ब्यवस्था समितिको बैठकमा दरबारमार्गमा खुलेको नाइट क्लव ‘क्लव डेजाबु’ बारे प्रश्न उठाएकी छिन् । 

नेपाली कांग्रेसकी सांसद समेत रहेकी राणाले गुण्डा नाइके राम गिरीले सञ्चालन गरेको अत्याधुनिक नाइट क्लव ‘डेजाबु’ बारे प्रश्न गर्दै भनिन्, ‘दरबारमार्गमा एउटा घर हेर्न गएको थिएँ, ट्यांकी जस्तो ठुलो भाग रहेको डेजाबु भन्ने क्लव खुलेको रहेछ, पस्ने र निस्कने साना–साना ढोका मात्र छन्, २५ सयभन्दा बढी मान्छे अट्ने क्लवमा भूकम्प आयो भने त्यहाँका युवायुवती कसरी बाहिर निस्कन्छन् ?’
गृहमन्त्री जनार्दन शर्मा सहभागी बैठकमा प्रश्न गर्दै उनले भनिन्, ‘पानी ट्यांकी जस्तो पनी नाईट क्लव हुन्छ ? राती त्यहाँ छिर्दा मान्छे नै नचिन्ने वातावरण हुँदो रहेछ अनि भूकम्प आउँदा आगलागी हुँदा अथवा झगडा भएमा त्यहाँका युवायुवती कसरी सुरक्षित होलान् ? यस्ता क्लवलाई कसले नियमन गर्छ ?’

बैठकमा आरजुले डेजाबु क्लबबारे प्रश्न उठाएसँगै राज्य ब्यवस्था समितिले त्यस्ता नाइट क्लवहरुबो अध्ययन गरेर प्रतिवेदन पेश गर्न गृह मन्त्रालयलाई निर्देशन दिएको छ । वर्षायाम शुरु भएसँगै सरकारले विपद् ब्यवस्थापनबारे गरेको तयारी र बिपद् जोखिम ब्यवस्थापन विधेयक ल्याउनेबारे सरकारको तयारीबारे छलफल गर्न समितिको बैठक बोलाइएको थियो । 

बैठकमा गृहमन्त्री जनार्दन शर्मा ‘प्रभाकर’ ले विपद् ब्यवस्थापनका लागि जनस्तरमा ब्युरो गठन गरेर तालिमसहित भोलेन्टियर खटाउने कार्ययोजना गृह मन्त्रालयले बनाएको जानकारी दिए । विपद् ब्यवस्थापन लगायका विधेयक ल्याउने तयारी गरिरहेको र निर्वाचन सम्वन्धि विधेयक आइतबार नै संसदमा पेश गरिने भएको छ ।
प्रकाशित मिति : Saturday, July 08, 2017

recent

Popular Posts

सिफारिस:

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal