चितवनमा एमाले र माओवादीका विद्यार्थी संगठनबीच झडप, दुई जना घाइते

चितवन - नेकपा एमाले र माओवादी केन्द्र  पार्टी एकताका लागि तयार भएका बेला चितवनको रामपुरमा एमाले र माओवादीका विद्यार्थी संगठनबीच झडप भएको छ ।

उक्त झडप कृषि तथा वनविज्ञान विश्वविद्यालय रामपुरमा बीएससी सेकेण्ड सेमेस्टरमा पढ्ने विद्यार्थीको कक्षा मनिटर चयनका विषयलाई लिएर भएको हो ।

त्यस झडपमा किसन घिमिरे र विकलचन्द्र श्रेष्ठ दुई जना घाइते भएको प्रहरीले जनाएको छ । उनीहरुको चितवन मेडिकल कलेजमा उपचार भइरहेको छ । दुवै घाइतेको टाउँकोमा चोट लागेको छ । क्याम्पस परिसरमा बाक्लो मात्रामा सुरक्षाकर्मी परिचालन गरिएको छ ।
प्रकाशित : Wednesday, January 03, 2018

recent

Popular Posts