दुईदिने भ्रमणका लागि पाकिस्तानी प्रधानमन्त्री अब्बासी नेपाल आउँदै, भारतमा खैलाबैला

काठमाडौं - पाकिस्तानी प्रधानमन्त्री साहिद खाकन अब्बासी आज नेपाल आउने भएका छन् । प्रम अब्बासी दुईदिने भ्रमणको लागि आउने भएका हुन् । उनका साथमा ३० सदस्यीय प्रतिनिधिमण्डलसहित नेपाल आउन लागेका हुन् ।

आफ्नै विशेष विमानबाट आज अपरान्ह सवा तीन बजे नेपाल आउन लागेका हुन् । पहिलो पटक प्रधानमन्त्रीको रुपमा आएका अब्बासीले २० घण्टा नेपालमा रहनेछन् ।

प्रधानमन्त्री अब्बासीलाई अर्थमन्त्री डा. युवराज खतिवडाले स्वागत गर्ने तयारी भइरहेको छ । पाकिस्तानी प्रधानमन्त्री विमानस्थलबाट सीधै ह्यात होटलमा जानेछन् ।

सैनिकमञ्च टुँडिखेल पाँच बजे आयोजना गर्न लागिएको सम्मान कार्यक्रममा प्रधानमन्त्री अब्बासी सहभागी हुनेछन् । नेपाली सेनाले उनको सम्मानमा ‘गार्ड अफ अनर’ प्रदान गर्नेछ ।

पूर्वनिर्धारित नभएर आकस्मिक जस्तै प्रधानमन्त्री अब्बासीको भ्रमणबारे भारतमा टिकाटिप्पणी भइरहेको छ ।
प्रकाशित : Monday, March 05, 2018
,

recent

Popular Posts