नेपाल सेवा लघुवित्तको आइपीओ आजदेखि खुल्ला, आस्वाबाट पनि भर्न पाउने

  • अर्थ सरोकार सम्बाददाता 
काठमाडौं - नेपाल सेवा लघुवित्त वित्तीय संस्थाको बुधबारदेखि आइपीओ खुला भएको छ । कम्पनीले १०० रुपैयाँ दरको १ लाख ८० हजार कित्ता आइपीओ निष्कासन गरेको हो । यसमध्ये ३ हजार ६०० (२%) कित्ता कम्पनीका कर्मचारी र ९ हजार (५%) कित्ता सेयर सामूहिक लगानी कोषलाई छुट्याएर बाँकी १ लाख ६७ हजार कित्ता सर्वसाधारणलाई बिक्री गर्न लागिएको हो ।

यो आइपीओमा वैशाख १६ गतेसम्म आवेदन दिन सकिनेछ । यसमा न्यूनतम ५० कित्तादेखि अधिकतम ९ हजार कित्तासम्म आवेदन दिन सकिनेछ । लगानीकर्ताले आस्वा सदस्य सम्पूर्ण बैंक तथा वित्तीय संस्थाबाट आवेदन दिन सक्नेछन् । कम्पनीले ३०% सेयर सर्वसाधारणमा जारी गर्न लागेको हो । ७०% हिस्सा भने संस्थापकसँगै रहनेछ । यसको बिक्री प्रबन्धक एनएमबि क्यापिटल हो । 
प्रकाशित : Wednesday, April 25, 2018

recent

Popular Posts