- अर्थ सरोकार सम्बाददाता
काठमाडौं – सिद्धार्थ इन्सुरेन्सको ३५% हकप्रद सुरक्षित गर्ने सोमबार अन्तिम दिन हो । कम्पनीले ३५% हकप्रद जारी गर्न जेठ १ गते बुक क्लोज गर्ने भएको छ । हकप्रद सुरक्षित गर्न बुक क्लोज हुनुभन्दा अघि सेयरधनी बनेको हुनुपर्छ ।
कम्पनीले ३५% हकप्रद निष्कासनका लागि धितोपत्र बोर्डबाट अनुमति पनि पाइसकेको छ । अब १०ः३.५ अनुपातमा २२ लाख ४४ हजार ९७३.५० कित्ता हकप्रद सेयर निष्कासन खुला गर्नेछ । यसमा एनएमबि क्यापिटलले बिक्री प्रबन्धकको काम गर्दैछ ।
हाल सिद्धार्थको चुक्ता पुँजी ६४ करोड १४ लाख २१ हजार रुपैयाँ छ । हकप्रदपछि पुँजी ८६ करोड ५९ लाख १८ हजार रुपैयाँ पुग्नेछ ।
