- अर्थ सरोकार सम्बाददाता
काठमाडौं – मेगा बैंकको १०.७५% बोनस सेयरमा मूल्य समायोजन भएको छ । बोनस समायोजनपछि सेयर भाउ प्रतिकित्ता १५७.११ कायम भएको छ भने अब आइतबार सोहि मूल्यलाई आधार मानेर सेयर कारोबार खुल्नेछ । यस बैंकको औसत आधार मूल्य २५५.४३ रुपैयाँ छ ।
मेगाले असार २९ गते वार्षिक साधारण सभा गर्न शुक्रबारदेखि बुक क्लोज गरेको हो । साधारण सभा राष्ट्रिय सभागृह, प्रदर्शनीमार्ग काठमाडौंमा बिहान १० बजे सुरु हुनेछ ।
मेगाले टुरिजमसँग मर्जपछि कायम पुँजी ९ अर्ब २८ करोड ६८ लाख ३१ हजार ३७९ रुपैयाँको १०.७५% बोनस दिने प्रस्ताव साधारण सभामा लौजानेछ । यसअघि टुरिजमले घोषणा गरेको बोनसलाई पनि मेगाले यसैमा एकीकृत (समायोजन) गरेको हो ।
यता, मेगा बैंक र टुरिजम डेभलपमेन्ट बैंकले एकीकृत कारोबार सुरु गरेको दिन (वैशाख ३० गते) भन्दा पछि कायम सेयरधनीले भने बोनस सेयरमा लाग्ने कर आफैले तिर्नुपर्नेछ । त्यसभन्दा अघि कायम भएका दुवै बैंकका सेयरधनीलाई भने कर छुट हुनेछ ।
