शाखा विस्तारमा अघि बढ्दै आशा लघुवित्त वित्तीय संस्था, एकैसाथ पाँच नयाँ शाखा सञ्चालनमा

काठमाडौं - आशा लघुवित्त वित्तीय संस्थाले आश्विन ११ गते एकैदिन थप पाँच वटा शाखा कार्यालयहरु स्थापना गरी कारोबार शुरु गरेको छ ।

थप गरिएका शाखा कार्यालयहरु सुर्खेतको गुर्भाकोट नगरपालिका, कैलालीको गौरीगंगा नगरपालिका, बाराको आदर्श कोटवाल गाउँपालिका, पर्साको पटेर्वा सुगौली गाउँपालिका तथा रौतहटको मौलापुर नगरपालिकामा स्थापना गरिएका छन् ।

शाखा कार्यालयहरु थप गरिएपछि वित्तीय संस्थाको जम्मा शाखाहरुको संख्या ४१ पुगेको छ । साथै वित्तीय संस्थाले सातैवटा प्रदेशहरुमा शाखाहरु विस्तार गरेको छ । स्थानीयजन प्रतिनिधिहरुको सहभागीतामा शाखाहरुको उद्घाटन गरिएको संस्थाले जनाएको छ ।

विपन्नवर्गलाई आर्थिक क्रियाकलापहरुमा संलग्न गराई उनीहरुको जीवनस्तर उकास्ने उद्देश्य लिई स्थापित यस राष्ट्रिय स्तरको लघुवित्त वित्तीय संस्थाले पहुच अभिवृद्धिका क्रममा शाखाहरु स्थापना गरेको तथा संस्थाले आगामी दिनहरुमा अझ सहज र प्रभावकारी रुपमा वित्तीय सेवा प्रवाह गर्ने जानकारी प्रमुख कार्यकारी अधिकृत बद्रीप्रसाद दुलालले दिए ।
प्रकाशित : Thursday, September 27, 2018

recent

Popular Posts