इन्जिनियरहरुलाई खुसीको खबर, ललितपुर महानगरपालिकाले ल्यायो यस्तो अफर ! (भिडियोसहित)

काठमाडौँ - ललितपुर महानगरपालिकाले करारमा कर्मचारी राख्ने योजना अघि सारेको छ । ललितपुर महानगरपालिकाका मेयर चिरिबाबु महर्जनले करारमा कर्मचारी राख्ने योजना सार्वजनिक गर्नु भएको हो । सोमबार काठमाडौंमा आयोजित साक्षात्कार कार्यक्रममा बोल्दै उहाँले ‘स्थायी कर्मचारीबाट काम लिन गाह्रो भएपछि’ आफूहरु करारमा कर्मचारी राख्न बाध्य हुनु परेको पनि स्पष्ट पार्नु भयो । करारमा राखेका कर्मचारीहरुले राम्रो काम गरे २ वर्षपछि उनीहरुको म्याद थप गर्ने ललितपुर महानगरपालिकाको योजना छ । 

मेयर महर्जनले सबै वडामा इन्जिनियरहरु खुला प्रतिष्पर्धाबाट नियुक्त गर्न लागिएको जानकारी पनि दिनु भयो । ललितपुर महानगरपालिका भित्र २९ वटा वडा रहेका छन । ती सबै वडामा इन्जिनियर नियुक्त गर्ने तयारी भईरहेको मेयर महर्जनले बताउनु भयो । स्थानीय तह संचालन ऐन अनुसार महानगरपालिकाले हरेक वडामा इन्जिनियर नियुक्त गर्नुपर्ने हुन्छ ।

मेयर महर्जनले नेपाल सरकारको नीतिगत निर्णयमा ढिलाई हुँदा स्थानीय सरकारले अपेक्षा अनुसार काम गर्न नसकेको दावी समेत गर्नु भयो ।

प्रकाशित : Monday, November 19, 2018

recent

Popular Posts