गण्डकी विकास बैंकको १२औँ वार्षिकोत्सवमा दुई सामाजिक कार्यक्रम

काठमाडौँ - गण्डकी विकास बैंकले आफ्नो बाह्रौ वार्षिकोत्सवको अवसरमा सामाजिक उत्तरदायित्व अन्तरगतका दुई छुट्टा छुट्टै कार्यक्रम आयोजना गरेको छ । 

रक्तदान कार्यक्रमबाट ८१ युनिट रगत संकलन
पहिलो कार्यक्रम अन्तरगत बैंकले वर्तमान समयमा रहेको मानव जीवनसँग प्रत्यक्ष सरोकार राखेको रक्त अभावलाई मध्यनजर गरी खुल्ला रक्तदान कार्यक्रम आयोजना गर्यो । बैंकको प्रधान कार्यालय प्राङ्गण वि. पी. चोक, चिप्लेढुङ्गा पोखरामा क्षेत्रीय रक्त सञ्चार सेवा, रामघाट पोखराको सहयोगमा सञ्चालित उक्त रक्तदान कार्यक्रमवाट ८१ यूनिट रगत संकलन गरियो । बैंकका सञ्चालक पद्य प्रसाद पौडेलबाट पहिलो ब्लडब्याग पहिलो दाता कृष्ण पौडेललाई हस्तान्त्रण गरी शुभारम्भ गरिएको कार्यक्रममा बैंकका कर्मचारी एंवम् सर्वसाधारणले सहभागिता जनाएका थिए । उक्त कार्यक्रमलाई सम्बोधन गर्दै बैंकका प्रमुख कार्यकारी अधिकृत रेशम बहादुर थापाले बैंकले सामाजिक उत्तरदायित्वलाई उच्च प्राथमिकता दिँदै आगामी दिनमा पनि यस्ता कार्यक्रमहरुलाई निरन्तरता दिदै जाने प्रतिवद्धता व्यक्त गरे । 

वृद्धाश्रमलाई सहयोग
वार्षिकोत्सवकै अवसर पारेर बैंकले पोखरा ३२, लामेआहाल स्थित राधाकृष्ण बृद्धाश्रममा एक कार्यक्रमका विच खाद्यान्न तथा न्यानो कपडा वितरण गरेको छ । कार्यक्रममा आश्राम रहेका ४६ जना बृद्धबृद्धा तथा १८ जना बटुकलाई बैंकका सञ्चालकद्धय पद्य प्रसाद पौडेल र नारायण बहादुर बाँनियाद्धारा उक्त सामाग्रीहरु हस्तान्तरण गरिएको थियो । वितरण कार्यक्रममा बैंकका सञ्चालक पद्यप्रसाद पौडेल तथा नायव प्रमुख कार्यकारी अधिकृत छविन्द्रनाथ शर्माले सामाजिक उत्तरदायित्वमा बैंक निकै सचेत रहेको र यस प्रकारका कार्यक्रमहरुलाई आगामी दिनमा पनि प्राथमिकताका साथ अगाडि बढाउने नीति बैंकसँग रहेको बताए । बृद्धाश्रमका अध्यक्ष प्रेम लिगलले आफ्नो अपेक्षा गरे भन्दा पनि बढि सहयोग प्रदान गरेकोमा बैंक परिवारलाई धन्यवाद सहित बैंकको उत्तरोत्तर प्रगतिको शुभकामना व्यक्त गरे ।

बैकले वित्तिय पहुँचलाई उच्च प्राथमिकता दिँदै हिमाल, पहाड र तराईका जनताहरुलाई सहज र सरल रुपमा आफ्ना ७७ वटा शाखाहरुबाट पूर्ण बैकिङ्ग सुविधा प्रदान गर्दै आइरहेको छ । बंैकले उक्त शाखाहरुबाट निक्षेप संकलन, सर्वसुलभ दरमा कर्जा प्रवाह गर्नुको साथै एबिबिएस, एटिएम, ईसीसी, आईपिएस, सीआस्वा, मोबाइल बंैकिङ्ग सेवा, लघुवित्त सेवा, रेमिट्यान्स सेवा सहितको पूर्ण बैकिङ्ग सेवा प्रदान गरिरहेको छ ।

बैंकले आ.व. २०७५/७६ को प्रथम त्रैमासमा संचालन मुनाफा रु. १५ करोड ३० लाख आर्जन गर्न सफल भएको थियो भने सोही अवधीसम्म निक्षेप रु. २३ अर्ब ७२ करोड र कर्जा तर्फ रु.२१ अर्ब २४ करोड पुर्याएको छ । साथै बैंकको निष्कृय कर्जाको मात्रा अत्यन्तै न्यून रहेको छ ।
प्रकाशित : Thursday, November 22, 2018

recent

Popular Posts