भिडियोमा हेर्नुहोस् गभर्नरको बाचा, 'पूँजी बजारका सबै समस्याको सम्बोधन तत्काल हुन्छ, सेयर बजार बढ्छ...'


काठमाडौँ- नेपाल राष्ट्र बैकले पूँजी बजार र बैकहरुमा देखिएको समस्या समाधानको प्रकिया अगाडी बढाएको बताएको छ । प्रतिनिधिसभा अन्तर्गतको अर्थ समितिको मंगलबार बसेको बैठकमा बोल्दै नेपाल राष्ट्र बैंकका गभर्नर डा. चिरञ्जिबी नेपालले पूँजी बजार र बैकहरुमा देखिएको समस्या समाधानको लागि बनेको कार्यदलबाट आएको सबै सुझाबहरुलाई कार्यान्वयन तहमा लैजाने तयारी भएको बताएका हुन् । गभर्नर नेपालले केन्द्रीय बैंकको पहलमा बैंकहरुले ब्याज दर घटाउन भद्र सहमति गरेको पनि बताए । उनले वित्तीय संस्थालाई नैतिक दबाब दिएर ब्याजदर नियन्त्रणमा लिएको बताए । समितिमा गभर्नर नेपालले शेयर बजारसँग सम्बन्धित निर्देशनहरु एक दुई दिनमै जारि गर्ने तयारी गरेको पनि बताए । उनले बैंकहरुलाई शेयर ब्रोकरको काम गर्न दिने ब्यवस्था चाँडै गरिने भन्दै बैंकको प्राथमिक पूँजी र निक्षेपको निश्चित प्रतिशत रकम ऋणपत्र बजारमा लैजाने ब्यवस्था मिलाउन लागेको समेत बताए ।

त्यस्तै, समितिमा अर्थ मन्त्रालय सचिव राजन खनालले पूँजी बजार र वित्तीय क्षेत्रमा देखिएका समस्या समाधानका लागि सम्बन्धित निकायहरुलाई निर्देशन दिइसकिएको बताएका छन् । उनले सरकारको खर्च व्यवस्थापन, त्यसले बजारमा पारेको प्रभाव र पूँजी बजार बारे अध्ययन गर्न समिति बनाएको जानकारी दिँदै त्यसको सुझाब कार्यान्वयका लागि निर्देशन दिइएको बताएका हुन् । अर्थमन्त्री डा. युवराज खतिवडाले पूँजी बजार र वित्तीय क्षेत्रमा देखिएका समस्या समाधानका लागि गठन गरेको कार्यदलले गत बुधबार नै प्रतिवेदन बुझाएको थियो ।
प्रकाशित : Wednesday, December 26, 2018

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal