अव कुनै रेष्टुराँमा पनि तिर्नु पर्दैन 'सर्भिस चार्ज', १० प्रतिशत सेवा शुल्क खारेज गरिएको व्यवसायीहरुको घोषणा !

  • अर्थ सरोकार सम्बाददाता 
काठमाडौँ- अव कुनै पनि रेष्टुरेन्टमा १० प्रतिशत सर्भिस चार्ज तिर्नु नपर्ने भएको छ । रेष्टुराँ व्यवसायीहरुको साझा संस्था रेष्टुरेन्ट एन्ड बार एसोसिएसन नेपाल (रेबान) को सोमबार मध्यरातिसम्म चलेको बैठकले यस्तो निर्णय गरेको हो । रेबानले जारी गरेको प्रेस बिज्ञप्तिमा उक्त सर्भिस चार्ज खारेज गरिएको बताइएको छ । रेबानका अध्यक्ष प्रमोद जैसवालका अनुसार मंगलबारदेखि नै लागु हुने गरी अव कुनै पनि रेष्टुरेन्टले वा बारले सर्भिस चार्ज लिने छैनन् । 'सेवा शुल्क हटाउनुपर्छ भन्ने माग धेरैजनाको थियो । यसले ग्राहकलाई पनि भार पारेको थियो । मंगलबारदेखि नै यसको कार्यान्वयन सुरु हुन्छ', अध्यक्ष जैसवालले अर्थ सरोकार डटकमसँग भने ।

बिलिङ सफ्टवेर प्रयोग गर्ने केहि रेष्टुरेन्टहरुले भने केहि दिनभित्र सफ्टवेर मिलाएर सेवा शुल्क लिन छाड्ने उनको भनाइ थियो । तत्कालीन माओवादी र अन्य मजदुर संगठनको दवावमा सन् २००६ मा होटेल एसोसिएसन र ट्रेड युनियनबीच ग्राहकबाट अनिवार्य रुपमा १० प्रतिशत सेवा शुल्क उठाउने निर्णय भएको थियो।
प्रकाशित मिति : Tuesday, January 29, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal