दिलिप भुसालको कविता-'हो, म सीए पढ्दै छु... !'


  • दिलिप भुसाल 

मेरो सपनाको संसारलाई यथार्थमा बदल्न
म भित्रको "म" लाई खुसि बनाउन
जिन्दगीका मेरा बाकि दिन सुखमय कटाउन
केहि बर्ष कठोर मेहनत र परिश्रम गरि
दिनरात नभनी मरि-मरि
म जिन्दगीको ठुलो पहाड चढ्दै छु
हो, म सीए पढ्दै छु !!
हो, म सीए बन्दै छु !!

"हिड्ने मान्छे लड्छ" सबैलाई थाहा छ
कतै अप्ठारो बाटोमा म चिप्लिए होला
कहिँ कतै बाटो बिर्सिइ अलमलिए  होला
म थाकेको छैन- म झुकेको छैन
यो दुनिया मलाइ के के भन्छ भन्छ
यी सबैलाई एक दिन देखाउन मन छ
म जिन्दगीको ठुलो मिसन लड्दै छु
हो, म सीए पढ्दै छु !!
हो, म सीए बन्दै छु !!

आफ्नो सन्तान कहिले सीए बन्ला भनि-भनि
बा-आमा बस्छन घरमा औला भाचेर
जिन्दगीका अनगिन्ती सपना साचेर
आमालाइ छड्के तिलौरी अनि साडी किनिदिने
बाबालाइ नया जुत्ता अनि आस्कोट फेरिदिने
बा-आमा, अब प्रतिछा मात्र केहि बर्षको
बग्नेछन् हजुरका आखामा आसु हर्सको
म कहिले पछि नफर्कने गरि अघि बढ्दै छु
हो, म सीए पढ्दै छु !!
हो, म सीए बन्दै छु !!

अभाबै अभावको जिन्दगीलाई तिलान्जली दिन
गाउ-घरमा नया बिहानी बनेर आउनेछु 
आशाका लाखौ  किरणहरु जगाउनेछु
आफु, परिवार अनि देशको लागि
भगवानसग ठुलो बरदान मागी
म जिन्दगीको ठुलो खोली तरदै छु
हो, म सीए पढ्दै छु !!
हो, म सीए बन्दै छु !!
प्रकाशित मिति : Sunday, February 17, 2019

recent

Popular Posts

सिफारिस:

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal