नेप्सेको अनलाइनमा भएको घोटालाको छानबिन माग गर्दै अख्तियारमा तेश्रो पटक उजुरी, के गर्दैछ अख्तियार ?

  • अर्थ सरोकार सम्बाददाता 
काठमाडौँ- करिव २९ करोड रुपैयाँ खर्च गरेर बनाइएको नेप्सेको अनलाइन कारोबार प्रणालीमा भएको घोटालाको छानविनको माग गर्दै अख्तियार दुरुपयोग अनुसन्धान आयोगमा तेश्रो पटक उजुरी परेको छ । यस विषयमा छानबिनको माग गर्दै सोमबार केही लगानीकर्ताको समोहाले अख्तियारमा उजुरी दर्ता गराएको हो । सेयर लगानीकर्ताहरु कुमार सिटौला, माधव गौतम र ईश्वर गुरुंगले संयुक्त रुपमा सोमबार अख्तियार दुरुपयोग अनुसन्धान आयोगमा एक उजुरी दर्ता गराएका हुन् । उनीहरुको उजुरी २१४२९ नम्बरमा दर्ता छ । 

यसअघिका उजुरी के हुँदैछन् ?
यसअघि एक आर्थिक अनलाइनका सम्पादकले यहि विषयलाई लिएर अख्तियार दुरुपयोग अनुसन्धान आयोगमा उजुरी दर्ता गरायेका थिए । सो उजुरीपछी अख्तियारले आवश्यक अनुसन्धानका लागि अर्थ मन्त्रालयमा परिपत्र गरेको थियो भने अर्थ मन्त्रालयले नेप्सेमा यस विषयमा खोजीनीति गरेको थियो । त्यस्तै दोश्रो पटक एक लगानीकर्ताले सोहि कुरालाई लिएर अख्तियारमा उजुरी गरेका थिए । उनको उजुरी उपर पनि अख्तियारले अघिल्लोपटककै प्रक्रिया अगाडी बढाएको थियो । तर यस विषयमा के कस्तो अनुसन्धान गरियो भन्ने तथ्य बाहिर आएको छैन । आज तेश्रो पटक उजुरी परेको छ ।

यो पनि पढ्नुहोस् :
प्रकाशित : Monday, March 11, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar ® is Registered Trademark of Shubham Media Pvt. Ltd. Maintained By : Eservices Nepal