भार्गव विकास बैंकले गर्यो कमालको प्रगति, खुद नाफा ९५.६८% ले वृद्धि हुनुमा यस्ता छन् कारणहरु

काठमाडौं - भार्गव विकास बैंकले आर्थिक वर्ष २०७५/७६ को तेस्रो त्रैमासको वित्तीय विवरण सार्वजनिक गरेको छ । सार्वजनिक भएको विवरण अनुसार बैंकले खुद नाफा ९५.६८% ले वृद्धि गरेर ५ करोड २२ लाख ५४ हजार रुपैयाँ कमाएको छ । गत वर्ष बैंकले यसै अवधिमा २ करोड ६७ लाख ३ हजार रुपैयाँ नाफा आर्जन गरेको थियो ।

बैंकले खुद ब्याज आम्दानी ७१.९०% ले बढोत्तरी गरी १२ करोड १२ लाख १८ हजार रुपैयाँ पुर्याएको छ । । गत वर्षको सोही अवधिमा खुद ब्याज आम्दानी ७ करोड ५ लाख १३ हजार रुपैयाँ रहेको थियो । यस्तै, सञ्चालन नाफा ७२.०८% ले बढेको छ । गत वर्ष ४ करोड १९ लाख ६२ हजार रुपैयाँ रहेको सञ्चालन नाफा अहिले ७ करोड २२ लाख १० हजार रुपैयाँ पुगेको छ । बैंकको खुद ब्याज आम्दानी र सञ्चालन नाफाले खुद नाफा वृद्धि गर्नमा मदत गरेको छ। 

बैंकले निक्षेप ३ अर्ब २४ करोड ९३ लाख ६३ हजार रुपैयाँ निक्षेप संकलन गरी कर्जामा २ अर्ब ८७ करोड ३६ लाख ७० हजार रुपैयाँ प्रवाह गरेको छ । बैंकको चुक्ता पुँजी ५० करोड १६ लाख रुपैयाँ रहेको छ भने जगेडा कोषमा ३३.९९% ले बढेर १३ करोड ५२ लाख ८५ हजार रुपैयाँ जम्मा भएको छ ।

बैंकको खराब कर्जा ०.७६% रहेको छ भने प्रतिसेयर आम्दानी १३ रुपैयाँ ८९ पैसा, प्रतिसेयर नेटवर्थ १२६ रुपैयाँ ९७ पैसा छ ।
प्रकाशित मिति : Monday, April 29, 2019

recent

Popular Posts

© Shubham Media Pvt. Ltd. All Rights Reserved 2019. Our Team | Disclaimer | Advertise With Us | About Us Maintained By : Eservices Nepal