खुद नाफामा स्पर्श लघुवित्तको छलाङ, अन्य महत्वपुर्ण सूचकहरुमा पनि आकर्षक वृद्धि

काठमाडौं - स्पर्श लघुवित्त वित्तीय संस्थाले गत आर्थिक वर्षको चौथो त्रैमासको वित्तीय विवरण प्रकाशित गरेको छ । संस्थाले यस अवधिमा खुद नाफा १ करोड ५६ लाख १३ हजार रुपैयाँ कमाउन सफल भएको छ । अघिल्लो वर्षको सोही अवधिमा संस्थाले १ लाख १ हजार रुपैयाँ मात्र खुद नाफा आर्जन गरेको थियो । 

सार्वजनिक गरेको वित्तीय विवरण अनुसार संस्थाले खुद ब्याज आम्दानी २४४.१४% ले बढाएर ४ करोड ४१ लाख ७८ हजार रुपैयाँ पुर्याएको छ । यता प्रतिसेयर आम्दानी १८ रुपैयाँ ८२ पैसा पुगेको छ । संस्थाको प्रतिसेयर नेटवर्थ ११९ रुपैयाँ ८ पैसा पुगेको छ । संस्थाले यो अवधिसम्म आईपुग्दा १६ करोड ६७ लाख निक्षेप संकलन गरी ९० करोड तीन लाख रुपैयाँ ऋण लगानी गर्न सफल भएको छ ।

संस्थाले जगेडा कोषमा ७१५३.३४ प्रतिशतले बढाएको छ । अघिल्लो वर्ष २ लाख १८ हजार रुपैयाँ जगेडा कोष रहेको संस्थाको समीक्षा अवधिमा १ करोड ५८ लाख रुपैयाँ पुगेको छ। 
प्रकाशित मिति : Sunday, July 28, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal