डडेल्धुरा – अख्तियार दुरुपयोग अनुसन्धान आयोगले डोटीकाे बिपी नगरस्थित वन कार्यालयमा कार्यरत सहायक वन अधिकृत सुरेन्द्रचन्द्र डिसीलाई पक्राउ गरेको छ । आयोगले डिसीलाई ३ लाख २६ हजार रुपैयाँ घुस रकमसहित पक्राउ गरेको हो । विभिन्न काम गरिदिएको भन्दै वन उपभोक्ता समितिका व्यक्तिबाटै उक्त ‘घुस’ रकमसहित डिसी पक्राउ परेको आयोगले जनाएको छ ।
डिसीलाई आइतबार साँझ डडेल्धुराको गन्यापधुरा गाउँपालिका–१ भातकाँडाबाट पक्राउ गरिएको हो । यता, डिसीले लिएको उक्त रकम घुस रकम नभई डिसीकै निजि रकम भएको जोरायल गाउँपालिका–१ का वडाध्यक्ष भजनसिंह मल्लका छोरा किरण मल्लले दाबी गरेका छन् ।
