काठमाडौँ । स्थापना कालदेखि नै सेञ्चुरी कमर्सियल बैंकमा कार्यरत डेपुटी सीइओ जीवन भट्टराइले बैंक छोडेका छन् । उनी आइतबारदेखि विदामा बस्नेगरी बैंक छोडेर बसेका छन् । बैंकिङमा लामो अनुभव रहेका भट्टराईले ९ बर्ष अगाडी सेञ्चुरी भित्रिएका थिए ।
अर्थ सरोकार डटकमसँग कुराकानी गर्दै उनले अव आफु ‘बैंकिङ’ नगर्ने बताएका छन् । ‘अव बैंकिङ गर्दिन । इकोनोमिक्समा पिएचडी गर्दैछु । यतै व्यस्त हुन्छु । अरु केहि प्रोजेक्टहरुमा काम गर्छु ।’ उनले भने ।
‘सेञ्चुरी छोडेर कुलिङमा बसेर अन्य कुनै बैंक जाने तयारी त होइन नि ?’ हाम्रो प्रश्नमा उनले भने, ‘होइन । तत्काल त्यस्तो केहि सोचेको छैन । पढ्न भनेर बैंक छोडेको हो ।’
