आर्थिक वर्ष भित्र ५ करोड वृक्षारोपण गर्ने सरकारको योजना (भिडियो रिपोर्ट)

काठमाडौँ । वन तथा वातावरणमन्त्री शक्तिबहादुर बस्नेतले सहरहरुलाई हरियाली बनाउने अभियानलाई सरकारले जोड दिएको बताउनु भएको छ । मन्त्री बस्नेतले वृक्षारोपण गरेर सरकारले विभिन्न धार्मिक स्थल, सहरहरुलाई हराभरा बनाउने कामलाई राष्ट्रिय अभियानकै रुपमा संचालन गरिरहेको पनि स्पष्ट पार्नुभयो । उहाँले पशुपति क्षेत्रको वातावरण संरक्षणमा जोड दिन पनि पशुपति क्षेत्र विकास कोषलाई सचेत गराउनुभयो । भू–संरक्षण दिवसको अवसर पारेर शुक्रबार पशुपति क्षेत्र परिसरमा आयोजित वृक्षारोपण कार्यक्रममा बोल्दै मन्त्री बस्नेतले बढदो सहरीकरणसँगै वातावरण संरक्षणको विषय चुनौतिको रुपमा उभिएको उल्लेख गर्दै ती समस्या समाधानका लागि सरकारले चालू आर्थिक वर्ष भित्र ५ करोड वृक्षारोपण गर्ने लक्ष्य लिनु परेको पनि स्पष्ट पार्नुभयो ।

मन्त्री बस्नेतले वातावरण संरक्षण विश्वभर चुनौतिको रुपमा देखिएको उल्लेख गर्दै ती समस्या समाधान गरेर अघि बढन सम्बन्धित सबै पक्ष अग्रसर हुनुको विकल्प नरहेको पनि स्पष्ट पार्नुभयो । हेर्नुहोस् भिडियो:
प्रकाशित मिति : Friday, August 09, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal