सांग्रीला डेभलपमेन्ट बैंकको गल्छी शाखाको उदाहरणीय काम, 'हाजिरी जवाफ पनि... वित्तीय साक्षरता पनि'

काठमाडौँ - हाजिरीजवाफ कार्यक्रम, एउटा सामान्य कार्यक्रम । तर त्यहि कार्यक्रममार्फत वित्तीय साक्षरता अभियानमा एउटा ढुंगा थपिन्छ भने त्यो, सामान्य देखिने तर फरक काम पक्कै हो । यस्तै उदाहरणीय काम गरेको छ सांग्रीला डेभलोपमेन्ट बैंकको गल्छी शाखाले । 
भाद्र २० गते शुक्रबारका दिन सांग्रीला डेभलपमेन्ट बैंक गल्छी शाखा धादिङले बागेश्वरी माध्यमिक विद्यालय गल्छी ६ धादिङमा हाजुरी जवाफ प्रतियोगिता सम्पन्न गरेको छ । कार्यक्रममा गल्छी गाउंपालिका अध्यक्ष कृष्णहरि श्रेष्ठ प्रमुख अतिथि थिए भने विशेष अतिथिमा विद्वियालयका प्र.अ. बलराम खतिवडा ,लगायत विभिन्विन संघ संस्थाका प्रतिनिधिहरुको सहभागीता थियो । बैंकले प्रतियोगितामा वित्तीय साक्षरतामा टेवा पुग्ने खालका प्रश्नहरु तयार गरेको थियो । 
कार्यक्रममा बोल्दै कार्यक्रमका प्रमुख अथिति श्रेष्ठले सांग्रीला डेभलपमेन्ट बैंकको प्रशंसासमेत गर्नुभएको थियो। बैंकको निकै राम्रो सेवाका कारण आफुले पनि सोहि बैंकमा कारोबार गरिरहेको उनको भनाइ थियो । यता शाखाप्रमुख गौरब काफ्लेले सांग्रीला डेभलपमेन्ट बैंक नाफा मात्रै होइन समुदायको हरेक आवश्यकतामा सहयोगीको भूमिकामा समेत रहेको दावी गरे । सांग्रीला डेभलपमेन्ट बैंकले आफ्नो संस्थागत सामाजिक उत्तरदायित्व अन्तर्गत विभिन्न शाखा कार्यलयहरु मार्फत बिभिन्न सामाजिक कार्यहरु गर्दै आएको छ ।
प्रकाशित मिति : Tuesday, September 10, 2019

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal