एटीएम फुटाएर पैसा चोरिरहेका दुई जना पक्राउ : ढुंगा, पिलास, फलामलगायतका वस्तु बरामद

काठमाडौं । महानगरीय प्रहरी वृत्त थानकोटले सिटिजन्स बैंकको एटिएम फुटाएर रकम चोरी गर्न लागेका दुई जनालाई पक्राउ गरेको छ । बैंकको चन्द्रागिरी नगरपालिका-७ थानकोट शाखाको एटिएम बुथ फुटाएर रकम चोरी गर्न लागेको अवस्थामा प्रहरी उनीहरुलाई नियन्त्रणमा लिन सफल भएको हो । 

पक्राउ पर्नेहरूमा वर्ष २४ का चित्र बहादुर शाही र वर्ष २० का नन्दराज धराल रहेका छन्। शनिबार राति पक्राउ परेका उनीहरुको साथबाट एटिएम मेसिन फुटाउन प्रयोग गरेको ढुंगा, पिलास, फलामको रेन्च र चक्कु बरामद गरेको छ। 

शाही र धरालले एटिएम राखेको सटरको ताल्चा र मेसिन समेत फुटाएको प्रहरीले जानकारी दिएको छ । साथै यस सम्बन्धमा आवश्यक अनुसन्धान भइरहेको  प्रहरीले जनाएको छ । 
प्रकाशित मिति : Monday, December 30, 2019

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal