ग्लोबल आइएमई बैंकले पठायो १२.७५% नगद लाभांश सेयरधनीको खातामा, नपाएकाले के गर्ने ?


काठमाडौं - ग्लोबल आइएमई बैंकले १२.७५% नगद लाभांश आफ्नो सेयरधनीहरुको बैंक खातामा पठाउन थालेको छ । बैंकले नेपाल क्लियरिङ हाउसको आइपीएसमार्फत सेयरधनीको बैंक खातामा नगद जम्मा गरिदिएको हो । यता, बैंकले नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न पनि भनेको छ । अपडेट गरेपछि लाभांश पाइनेछ ।

यस्तै, आर्थिक वर्ष २०७१–७२, २०७२–७३ र २०७४–७५ मा बोनस सेयर बापतको कर र साविकको रिलायबल डेभलपमेन्ट बैंकको आर्थिक वर्ष २०७३–७४ को बोनस सेयर बापतको कर रकम तिर्न बाँकी रहेका सेयरधनीको हकमा कर कट्टी गरी बाँकी रहेको नगद लाभांश खातामा पठाइने बैंकले जानकारी गराएको छ । यस्ता सेयरधनीको नगद अब ७ दिनपछि रकमान्तर गरिने बैंकले उल्लेख गरेको छ ।
प्रकाशित मिति : Monday, December 30, 2019

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal