सेयर बजार बुलिस ट्रेन्डमा : १५.१४ अंकले बढ्यो नेप्से, कारोबार १ अर्व ७० करोडमाथि

काठमाडौँ - साताको कारोबारको दोस्रो दिन सोमबार बजार बढेको छ । आइतबारको तुलनामा बजार १५.१४ अंकले बढेर १२७०.८६ विन्दुमा आइपुगेको छ ।

नेपाल स्टक एक्सचेन्ज (नेप्से)का अनुसार कुल १ सय ८३ कम्पनीको ५५ लाख १८ हजार ६ सय ३६ कित्ता सेयर खरिद बिक्री हुँदा १ अर्व ७० करोडमाथिको कारोबार भएको छ । जसमा सबै भन्दा बढी कारोबार नेपाल दुरसंचार कम्पनीको भएको छ । यस कम्पनीको कुल ६ करोड ४ लाखमाथिको कारोबार भएको छ । त्यसपछि क्रमश नेपाल लाइफ इन्स्योरेन्स र एनआइसी एसिया बैंकको भएको छ ।

यस्तै, आइतबार म्यनुफ्याक्चार एण्ड प्रोडक्सन र माइक्रोफाइनान्स उपसुचक घटेको छ भने बाँकी सबै उपसुचक बढेको छ । जसमा सबैभन्दा धेरै हाइड्रोपावर समुह बढेको छ । हाइड्रोपावर समुह ४ दशमलव ९३ प्रतिशतले बढेको हो ।

त्यसैगरी सबैभन्दा धेरै घोडीघोडा लघुवित्त र सानिमा माई हाइड्रोपावरका लगानीकर्ताले कमाएका छन् भने सबैभन्दा धेरै सिभिल लघुवित्त र गणपति माइक्रोफाइनान्सका लगानीकर्ताले गुमाएका छन् ।
प्रकाशित मिति : Monday, January 13, 2020

recent

Popular Posts

© Shubham Media Pvt. Ltd. All Rights Reserved 2020. Artha Sarokar® Trademark Registered. Regd. No. : 047796 Maintained By : Eservices Nepal