५१.१२ प्रतिशतले खुद नाफा बढाएको शाइन रेसुंगा डेभलपमेन्ट बैंकको जगेडा कोषमा ५३ करोड ५२ लाख...

काठमाडौं - शाइन रेसुंगा डेभलपमेन्ट बैंकको चालु आर्थिक वर्षको दोस्रो त्रैमाससम्ममाको खुद नाफा ३० करोड ७ लाख ९४ हजार रुपैयाँ कमाएको रिपोर्ट प्रकाशित गरेको छ । यो नाफा गत वर्षको तुलनामा ५१.१२% ले धेरै हो । गत वर्ष बैंकले १९ करोड ९० लाख ३४ हजार रुपैयाँ खुद नाफा कमाएको थियो । यो ६ महिनामा बैंकको वितरणयोग्य नाफा भने २५ करोड ३६ लाख ६० हजार रुपैयाँ छ ।

यस्तै, बैंकको खुद ब्याज आम्दानी र सञ्चालन नाफा दुवै बढेको कारणले खुद नाफा पनि बढेको देखिन्छ । बैंकको खुद ब्याज आम्दानी र सञ्चालन नाफा क्रमशः ६७.४८% र ५१.१६% ले बढेको छ । गत वर्ष ४० करोड ९९ लाख ८० हजार रुपैयाँ रहेको खुद ब्याज आम्दानी अहिले बढाएर ६८ करोड ६६ लाख ७२ हजार रुपैयाँ पुर्याएको छ । साथै, सञ्चालन नाफा २८ करोड २५ लाख ३० हजार रुपैयाँबाट बढेर ४२ करोड ७० लाख ९२ हजार रुपैयाँ पुगेको छ ।  

बैंकले पुससम्ममा २६ अर्ब ७७ करोड ५६ लाख ३० हजार रुपैयाँ निक्षेप संकलन गर्दा २३ अर्ब ८९ करोड ८२ लाख ४८ रुपैयाँ कर्जा लगानी गरेको छ । चुक्ता पुँजी २ अर्ब ६२ करोड २९ लाख ४ हजार रुपैयाँ रहेको शाइन रेसुंगाको जगेडा कोषमा ५३ करोड ५२ लाख ७४ हजार रुपैयाँ रहेको छ ।

यता, खराब कर्जा भने ०.१७%बाट बढेर ०.६१% पुगेको छ । बैंकको प्रतिसेयर आम्दनी वार्षिक २२ रुपैयाँ ९४ पैसा र प्रतिसेयर नेटवर्थ १५३ रुपैयाँ ७१ पैसा छ । 
प्रकाशित मिति : Friday, February 07, 2020

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal