कोरोनाविरुद्ध लड्न नेपाल निर्माण व्यवसायी महासंघले पनि १ करोड रुपैयाँ दिने !

काठमाडौं - सरकारले स्थापना फरेको कोभिड–१९ नियन्त्रण तथा रोकथाम कोषमा नेपाल निर्माण व्यवसायी महासंघले एक करोड रुपैयाँ जम्मा गर्ने भएको छ ।  निर्माण व्यवसाय विकास परिषद् अन्तर्गत निर्माण व्यवसायी कोषको तर्फबाट कोभिड-१९ को बढ्दो संक्रमण रोकथाम तथा नियन्त्रणका लागि सरकारले स्थापना गरेको कोषमा एक करोड रुपैयाँ सहयोग गर्ने निर्णय भएको महासंघका महासचिव रोशन दाहालले बताएका हुन् ।  

यस्तै महासंघले चैत १८ गतेसम्म मुलुक लकडाउन गर्ने सरकारको निर्णयको महासंघले स्वागत गरेको छ । महासचिव दाहालले सरकारी निर्णयमा सहयोग गर्न सरोकारवाला सबै समक्ष आग्रह पनि गरेका छन्। 

साथै लकडाउनको अवधिमा निर्माण व्यवसायी सदस्यहरुलाई निर्माण कार्य बन्द गर्न र प्रदेश महासंघ, जिल्ला संघ, वस्तुगत संघहरु र एशोसिएट सदस्यहरुले आ-आफ्नो सचिवालय सरकारको निर्देशन अनुसार बन्द गर्न पनि निर्देशन दिएको महासंघले जनाएको छ।
प्रकाशित मिति : Tuesday, March 24, 2020

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal