राष्ट्र बैंकद्धारा कोरोनाले नेपाली अर्थतन्त्रमा पार्ने प्रभाबबारे अध्ययन सुरु गर्यो, नेपाललाई ३२ अर्ब क्षति हुने एडिबीको प्रारम्भिक अनुमान

काठमाडौं । नेपाल राष्ट्र बैंकले कोरोनाले नेपाली अर्थतन्त्रमा पार्न सक्ने प्रभावबारे अध्ययन सुरु गरेको छ । हालसम्म नेपालमा कोरोनाको संक्रमण नदेखिए पनि नेपाली अर्थतन्त्रमा पुर्याउन सक्ने असरबारे राष्ट्र बैंकले अध्ययन थालेको हो ।

बैंकका प्रबक्ता डा. गुणाकर भट्टले यसको प्रभावका बारेमा अध्ययन थालिएको र अध्ययन गर्न छुट्टै समिति गठन नभएको बताएका छन् । ‘अनुसन्धान विभागको काम नै अनुसन्धान गर्ने भएकाले थप समिति गठन नगरिएको हो’ उनले भने । भट्टकै नेतृत्वमा सो अनुसन्धानको अध्ययन सुरु भएको हो । कोरोनाको प्रत्यक्ष प्रभाव नेपालको औधोगिक क्षेत्र, व्यापार र पर्यटन क्षेत्रमा बढी पर्ने प्रारम्भिक आंकलन छ । 

एशियाली विकास बैंकले गरेको एक अध्ययनले कोरोना भाइरसका कारण नेपालको कुल उत्पादनको १.११ प्रतिशत अर्थात् करिब ३२ अर्ब रुपैयाँ क्षति हुने अनुमान गरेको छ । एडिबीले कोरोनाबाट हुन सक्ने क्षतिलाई कम क्षति, मध्यम क्षति, उच्च क्षति र हाइपोथेटिकल उच्च क्षति गरी ४ भागमा वर्गीकरण गरेको छ । हाइपोथेटिकल उच्च क्षति अन्तर्गत नेपाललाई ३२ अर्ब क्षति हुने एडिबीको प्रारम्भिक अध्ययनले देखाएको हो ।
प्रकाशित मिति : Tuesday, March 17, 2020

recent

Popular Posts

© Shubham Media Pvt. Ltd. All Rights Reserved 2019. Artha Sarokar® Trademark Registered. Regd. No. : 047796 Maintained By : Eservices Nepal